ABŞ-nyň Türkmenistandaky işleri wagtlaýyn ynanylan wekili Silwiýa Rid Kurranyň Türkmenistanyň Garaşsyzlyk baýramçylygy mynasybetli gutlaglary

“Türkmenistan” teleýaýlymy
2009-njy ýylyň oktýabr aýynyň 26-sy

ABŞ-nyň Türkmenistandaky işleri wagtlaýyn ynanylan wekili Silwiýa Rid Kurran

Salam, meniň adym Silwiýa Kurran, men ABŞ-nyň Türkmenistandaky işleri wagtlaýyn ynanylan wekili. Türkmenistandaky ABŞ-nyň ilçihanasynyň başlygy hökmünde Amerikanyň Birleşen Ştatlarynyň halkyna hem-de hökümetine Türkmenistanda wekilçilik etmek meniň üçin uly bagtdyr. Şunuň bilen baglanşykly men Amerikanyň Birleşen Ştatlarynyň halkynyň adyndan Türkmenistanyň halkyny Garaşsyzlygyň 18-ýyllyk baýramçylygy bilen tüýs ýürekden gutlaýaryn.

Şu wagt Türkmenistanda bolmak üçin örän şatlykly döwürdir. Dowamly ykdysady ösüşi hem-de Prezident Gurbanguly Berdymuhamedowyň saglyk hem-de bilim pudaklaryny ösdürmeklige gönükdirilen aladalary bilen Türkmenistan bütindünýä bilen giňişleýin birleşmegiň öňisyrasynda dur. Yzygider ösüş geljekki nesle global jemgyýetçiligine gatnaşmaklygy üçin şowly bilim bermeklige baglydyr. Oňat bilim alan raýatlar ykdysady we gumanitar ösüşi höweslendirmek bilen güýçli döwleti hem-de geljegi gurmaga ýardam edýär.

Türkmenistanyň hemişelik Bitaraplyk syýasaty onuň garaşsyzlygynyň hem-de özygtyýarlylygynyň ajaýyp güwänamasydyr, ol oňa beýleki döwletler bilen özara bähbitli hem-de hormatly gatnaşyklary gurmakda we Türkmenistanyň raýatlaryna peýda getirjek özbaşdak çözgütleri kabul etmekde erkinlik berýär.

Biz Türkmenistanyň halky we hökümeti bilen şu örän möhüm pursatda hyzmatdaşlyk etmäge we biziň eýýäm bar bolan berk gatnaşyklarymyza dowamly goldawymyzy hödürlemäge örän begenýäris.

Ýene-de bir sapar, men Türkmenistanyň raýatlaryna, siziň her biriňize geljekde asudalyk, bagt, berk jan-saglyk, hem-de abadançylyk arzuw edýärin.