Alyş-çalyş maksatnamalary
Fulbraýt maksatnamasy
ABŞ-nyň Türkmenstandaky Ilçihanasynyň 2009-2010-njy okuw ýyly üçin William Fulbraýt adyndaky stipendiýa üçin açÿk bäsleşigini yglan edýär
2009-2010-njy okuw ýylynyň dowamynda ABŞ-nyň William Fulbraýt adyndaky stipendiýasy – ýokary derejedäki alymlara we Türkmenistanyň ýokary okuw mekdepleriniň professor-mugallymlary üçin okuw okamaga we öz hünäri boýunça kämilleşmäge mümkinçilik berÿär. Maksatnamanyň dowamlylygy – bir semestrden bir okuw ýylyna çenli.
Gözlegler we umumy sapaklar aşakdaky görkezilen mowzuklar boýunça alynyp bilner:
- Amerikany öwreniş: Amerikanyň edebiýatynyň, sungatynyň, taryhynyň, filosofiÿasynyň, dininiň dersara we deňeşdirme öwrenişi;
- Ykdysadyýet we aragatnaşyk: Işewürlik, mikro- we makroykdysadyýet, oba hojalygy, aragatnaşyk, maglumat beriş ylymlar;
- Jemgyýetçilik dolandyryşygy: taglymat we durmuşy edaralaryň menejmenti, mysal üçin, durmuşy üpünçiligi, bilim we saglygy goraýyş ulgamlary, şäher planlaşdyrmasy, inžinering we arhitektura;
- Hukuk: Kanunberiji ösüş, sud, dolandyryş prosesleri, energiýa baradaky kanun, eýeçilik kanuny, garaşsyz we hökümet ulgamy;
- Hakyky ylymlar we daşky sredany goramaklyk: Matematika, biologiýa, geologiýa, geografiýa, himiýa, daşky sredany goramaklyk;
- Liberal sungatlary öwreniş: Sungat, sungatyň taryhy, döredijilik haty, tanslar, kinosungaty, žurnalistika, kitaphanaçylyk sungaty, lingwistika, saz we teatr.
- Sebiti öwreniş we amerikan-türkmen ikitaraplaýyn gatnaşyklary.
Talaplar:
Kandidatlaryň:
- Doktorçylyk ýa-da şuňa meňzeş professional iş tejribesi;
- ABŞ-da gözleg işini ýa-da leksiýa geçirmeklik üçin iňlis dilini gowy bilmekligi talap edilýär
Anketalar
Anketalary 2008-nji ýylyň Sanjar aýynyň 1-ine çenli tabşyrmaly.
Anketalary biziň saýtymyzdan şu ýerden Adobe Acrobat pdf formatynda (574 kb) ýa-da ABŞ-nyň Ilçihanasynyň Maglumat we medeniýet bölüminden alyp bilersiňiz. Maslahatlaşmak üçin ABŞ-nyň Aşgabatdaky Ilçihanasynyň Maglumat we medeniýet bölüminiň Bilim maksatnamalary boÿunça kömekçisi Täzegül Gaýypowa ýa-da Amerikan burçlaryna ýüz tutmak bolar.
Biziň salgymyz:
“Ak Altyn” myhmanhanasy,
4-nji gat, Aşgabat, Türkmenistan, 744000
Tel.: (+993-12) 36 13 65; 36 33 31
Faks: (+993-12) 36 46 93
