Ilçihana hakynda

ABŞ-nyň Türkmenistandaky işleri wagtlaýyn ynanylan wekili

Ilçi Riçard Hougland

ABŞ-nyň Türkmenistandaky işleri wagtlaýyn ynanylan wekili Ilçi Riçard Hougland

Riçard Hougland 2003-nji ýylyň Garaşsyzlyk aýyndan 2006-njy ýylyň Alp Arslan aýyna çenli ABŞ-nyň Täjigistandaky Ilçisi bolup işledi. Ol 2001-nji ýylyň Oguz aýyndan 2003-nji ýylyň Gorkut aýyna çenli ABŞ-nyň Döwlet departamentiniň Ýewropa we Ýewraziýa býurosynyň Kawkaz we Merkezi Aziýa bölüminiň müdüri wezipesinde işledi. Bu wezipede ol ABŞ-nyň Merkezi Aziýa ýurtlary bilen ösen gatnaşyklaryny kesgitleýän ikitaraplaýyn resminamalaryň dördüsini ýazdy we ylalaşyklar gazandy. 2001-nji ýylyň Ruhnama aýynyň 11-inden başlap, Prezident Buş we Putin tarapyndan iki ýurduň hökümetleriniň Merkezi Aziýada we Kawkazda hyzmatdaşlygy we açyklygy ösdürmek baradaky tabşyrygyna jogap edip, yzygider amerikan-rus gepleşiklerini ýola goýdy. Bu topar 2002-nji ýylyň Oguz aýynda ozaldan dowam edip gelýän terrorizme garşy amerikan-rus bilelikdäki iş toparynyň hataryna girdi.

Diplomatik gullugyň ýokary wezipeli agzasy bolmak bilen, Ilçi Hougland 1999-2001-nji ýyllarda ABŞ-nyň Döwlet departamentiniň Günorta Aziýa býurosynyň Jemgyýetçilik diplomatiýasy edarasynyň müdüri bolup işledi we, şunuň bilen birwagtda, ABŞ-nyň Milli howpsuzlyk geňeşiniň ýanyndaky Owganystanda Jemgyýetçilik diplomatiýasy boýunça ýörite maslahatçy hökmünde işledi. Onuň daşary ýurtlardaky wezipeleri, şeýle hem, Russiýany (ol bu ýerde ilçihananyň metbugat sekretary wezipesini ýerine ýetirdi), Özbegistanda we iki gezek Pakistanda we birinji gezek Pakistanda bolanda (1986-1989) sowet-owgan urşy döwründe owgan garşylyk görkeziş güýçleri bilen işledi.

Ol, şeýle hem, ABŞ-nyň Döwlet departamentiniň Maglumat we ylmy-barlag býurosynda Owganystan boýunça baş seljeriji bolup işledi (1989-1991). Şonuň bilen baglylykda, Owganystan boýunça çuňňur bilimini nazarda tutup, ony ABŞ-nyň Owganystandaky ýörüte ilçisiniň orunbasary bolup işledi (1991-1992). Ol diplomatik gullugynyň dowamynda, ABŞ-nyň Döwlet departamentiniň üç gezek ýokary sylagyna mynasyp boldy (biri üstünlikleri we ikisi belent üstünlikleri üçin) we birnäçe gezek topara gowşurylýan üstünlikleri üçin sylaglara we ABŞ-nyň Prezidentiniň sylaglaryna mynasyp boldy.

Ilçi Hougland Indiana ştatynyň Fort Waýn şäherinde eneden doguldy. Ol Wirjiniýa uniwersitetinde aspiranturalarda okady we Fransiýanyň Grenobl uniwersitetinde fransuz dili boýunça şahadatnamany gazandy. Ol 1985-nji ýylda diplomatik gullugyna başlamazyndan öň, Ilçi Hougland ozalky Zairde iňlis dilini okatdy (1974-1976) we Wirjiniýa uniwersitetiniň Afrikan we afro-amerikan ylymlary boýunça Karter-Wudson institutynda afrikan edebiýatyny okatdy.